א לַמְנַצֵּ֬חַ ׀ לִבְנֵי־קֹ֬רַח מַשְׂכִּֽיל׃ב אֱלֹהִ֤ים ׀ בְּאָזְנֵ֬ינוּ שָׁמַ֗עְנוּ    אֲבוֹתֵ֥ינוּ סִפְּרוּ־לָ֑נוּפֹּ֥עַל פָּעַ֥לְתָּ בִֽ֝ימֵיהֶ֗ם    בִּ֣ימֵי קֶֽדֶם׃ג אַתָּ֤ה ׀ יָֽדְךָ֡ גּוֹיִ֣ם ה֭וֹרַשְׁתָּ    וַתִּטָּעֵ֑םתָּרַ֥ע לְ֝אֻמִּ֗ים    וַֽתְּשַׁלְּחֵֽם׃ד כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ    וּזְרוֹעָם֮ לֹֽא־הוֹשִׁ֪יעָ֫ה לָּ֥מוֹכִּֽי־יְמִינְךָ֣ וּ֭זְרֽוֹעֲךָ וְא֥וֹר פָּנֶ֗יךָ    כִּ֣י רְצִיתָֽם׃ה אַתָּה־ה֣וּא מַלְכִּ֣י אֱלֹהִ֑ים    צַ֝וֵּ֗ה יְשׁוּע֥וֹת יַֽעֲקֹֽב׃ו בְּ֭ךָ צָרֵ֣ינוּ נְנַגֵּ֑חַ    בְּ֝שִׁמְךָ֗ נָב֥וּס קָמֵֽינוּ׃ז כִּ֤י לֹ֣א בְקַשְׁתִּ֣י אֶבְטָ֑ח    וְ֝חַרְבִּ֗י לֹ֣א תֽוֹשִׁיעֵֽנִי׃ח כִּ֣י הֽ֭וֹשַׁעְתָּנוּ […]

א לַמְנַצֵּ֣חַ עַל־שֹֽׁ֭שַׁנִּים לִבְנֵי־קֹ֑רַח    מַ֝שְׂכִּ֗יל שִׁ֣יר יְדִידֹֽת׃ב רָ֘חַ֤שׁ לִבִּ֨י ׀ דָּ֘בָ֤ר ט֗וֹב    אֹמֵ֣ר אָ֭נִי מַֽעֲשַׂ֣י לְמֶ֑לֶךְלְ֝שׁוֹנִ֗י    עֵ֤ט ׀ סוֹפֵ֬ר מָהִֽיר׃ג יָפְיָפִ֡יתָ מִבְּנֵ֬י אָדָ֗ם    ה֣וּצַק חֵ֭ן בְּשִׂפְתוֹתֶ֑יךָעַל־כֵּ֤ן בֵּֽרַכְךָ֖ אֱלֹהִ֣ים    לְעוֹלָֽם׃ד חֲגֽוֹר־חַרְבְּךָ֣ עַל־יָרֵ֣ךְ גִּבּ֑וֹר    הֽ֝וֹדְךָ֗ וַֽהֲדָרֶֽךָ׃ה וַהֲדָ֬רְךָ֨ ׀ צְלַ֬ח רְכַ֗ב    עַֽל־דְּבַר־אֱ֭מֶת וְעַנְוָה־צֶ֑דֶקוְתֽוֹרְךָ֖ נֽוֹרָא֣וֹת    יְמִינֶֽךָ׃ו חִצֶּ֗יךָ שְׁנ֫וּנִ֥ים    עַ֭מִּים תַּחְתֶּ֣יךָ יִפְּל֑וּ בְּ֝לֵ֗ב אֽוֹיְבֵ֥י הַמֶּֽלֶךְ׃ז כִּסְאֲךָ֣ אֱ֭לֹהִים עוֹלָ֣ם וָעֶ֑ד    שֵׁ֥בֶט […]

א לַמְנַצֵּ֥חַ לִבְנֵי־קֹ֑רַח    עַֽל־עֲלָמ֥וֹת שִֽׁיר׃ב אֱלֹהִ֣ים לָ֭נוּ מַֽחֲסֶ֣ה וָעֹ֑ז    עֶזְרָ֥ה בְ֝צָר֗וֹת נִמְצָ֥א מְאֹֽד׃ג עַל־כֵּ֣ן לֹֽא־נִ֭ירָא בְּהָמִ֣יר אָ֑רֶץ    וּבְמ֥וֹט הָ֝רִ֗ים בְּלֵ֣ב יַמִּֽים׃ד יֶֽהֱמ֣וּ יֶחְמְר֣וּ מֵימָ֑יו    יִ֥רְעֲשֽׁוּ הָרִ֖ים בְּגַֽאֲוָת֣וֹ סֶֽלָה׃ה נָהָ֗ר פְּלָגָ֗יו יְשַׂמְּח֥וּ עִיר־אֱלֹהִ֑ים    קְ֝דֹ֗שׁ מִשְׁכְּנֵ֥י עֶלְיֽוֹן׃ו אֱלֹהִ֣ים בְּ֭קִרְבָּהּ בַּל־תִּמּ֑וֹט    יַעְזְרֶ֥הָ אֱ֝לֹהִ֗ים לִפְנ֥וֹת בֹּֽקֶר׃ז הָמ֣וּ ג֭וֹיִם מָ֣טוּ מַמְלָכ֑וֹת    נָתַ֥ן בְּ֝קוֹל֗וֹ תָּמ֥וּג אָֽרֶץ׃ח יְהוָ֣ה צְבָא֣וֹת עִמָּ֑נוּ    מִשְׂגָּֽב־לָ֨נוּ אֱלֹהֵ֖י […]

א לַמְנַצֵּ֬חַ ׀ לִבְנֵי־קֹ֬רַח מִזְמֽוֹר׃ב כָּֽל־הָ֭עַמִּים תִּקְעוּ־כָ֑ף    הָרִ֥יעוּ לֵֽ֝אלֹהִ֗ים בְּק֣וֹל רִנָּֽה׃ג כִּֽי־יְהוָ֣ה עֶלְי֣וֹן נוֹרָ֑א    מֶ֥לֶךְ גָּ֝ד֗וֹל עַל־כָּל־הָאָֽרֶץ׃ד יַדְבֵּ֣ר עַמִּ֣ים תַּחְתֵּ֑ינוּ    וּ֝לְאֻמִּ֗ים תַּ֣חַת רַגְלֵֽינוּ׃ה יִבְחַר־לָ֥נוּ אֶת־נַֽחֲלָתֵ֑נוּ    אֶ֥ת גְּא֨וֹן יַֽעֲקֹ֖ב אֲשֶׁר־אָהֵ֣ב סֶֽלָה׃ו עָלָ֣ה אֱ֭לֹהִים בִּתְרוּעָ֑ה    יְ֝הוָ֗ה בְּק֣וֹל שׁוֹפָֽר׃ז זַמְּר֣וּ אֱלֹהִ֣ים זַמֵּ֑רוּ    זַמְּר֖וּ לְמַלְכֵּ֣נוּ זַמֵּֽרוּ׃ח כִּ֤י מֶ֖לֶךְ כָּל־הָאָ֥רֶץ אֱלֹהִ֗ים    זַמְּר֥וּ מַשְׂכִּֽיל׃ט מָלַ֣ךְ אֱ֭לֹהִים עַל־גּוֹיִ֑ם    אֱ֝לֹהִ֗ים יָשַׁ֤ב ׀ עַל־כִּסֵּ֬א קָדְשֽׁוֹ׃י נְדִ֘יבֵ֤י עַמִּ֨ים ׀ נֶֽאֱסָ֗פוּ […]