א לַמְנַצֵּ֥חַ עַֽל־הַגִּתִּ֑ית לִבְנֵי־קֹ֥רַח מִזְמֽוֹר׃ב מַה־יְּדִיד֥וֹת מִשְׁכְּנוֹתֶ֗יךָ    יְהוָ֥ה צְבָאֽוֹת׃ג נִכְסְפָ֬ה וְגַם־כָּֽלְתָ֨ה ׀ נַפְשִׁי֮    לְחַצְר֪וֹת יְה֫וָ֥הלִבִּ֥י וּבְשָׂרִ֑י    יְ֝רַנְּנ֗וּ אֶ֣ל אֵֽל־חָֽי׃ד גַּם־צִפּ֨וֹר מָ֪צְאָה בַ֡יִת וּדְר֤וֹר ׀ קֵ֥ן לָהּ֮    אֲשֶׁר־שָׁ֪תָה אֶפְרֹ֫חֶ֥יהָאֶֽת־מִ֭זְבְּחוֹתֶיךָ יְהוָ֣ה צְבָא֑וֹת    מַ֝לְכִּ֗י וֵֽאלֹהָֽי׃ה אַ֭שְׁרֵי יֽוֹשְׁבֵ֣י בֵיתֶ֑ךָ    ע֝֗וֹד יְֽהַלְל֥וּךָ סֶּֽלָה׃ו אַשְׁרֵ֣י אָ֭דָם עֽוֹז־ל֥וֹ בָ֑ךְ    מְ֝סִלּ֗וֹת בִּלְבָבָֽם׃ז עֹֽבְרֵ֤י ׀ בְּעֵ֣מֶק הַ֭בָּכָא    מַעְיָ֣ן יְשִׁית֑וּהוּגַּם־בְּ֝רָכ֗וֹת    יַעְטֶ֥ה מוֹרֶֽה׃ח יֵֽ֭לְכוּ מֵחַ֣יִל אֶל־חָ֑יִל    יֵֽרָאֶ֖ה אֶל־אֱלֹהִ֣ים […]

א לַמְנַצֵּ֬חַ ׀ לִבְנֵי־קֹ֬רַח מִזְמֽוֹר׃ב רָצִ֣יתָ יְהוָ֣ה אַרְצֶ֑ךָ    שַׁ֝֗בְתָּ שבות שְׁבִ֣ית יַֽעֲקֹֽב׃ג נָ֭שָׂאתָ עֲוֺ֣ן עַמֶּ֑ךָ    כִּסִּ֖יתָ כָל־חַטָּאתָ֣ם סֶֽלָה׃ד אָסַ֥פְתָּ כָל־עֶבְרָתֶ֑ךָ    הֱ֝שִׁיב֗וֹתָ מֵֽחֲר֥וֹן אַפֶּֽךָ׃ה שׁ֭וּבֵנוּ אֱלֹהֵ֣י יִשְׁעֵ֑נוּ    וְהָפֵ֖ר כַּֽעַסְךָ֣ עִמָּֽנוּ׃ו הַלְעוֹלָ֥ם תֶּֽאֱנַף־בָּ֑נוּ    תִּמְשֹׁ֥ךְ אַ֝פְּךָ֗ לְדֹ֣ר וָדֹֽר׃ז הֲֽלֹא־אַ֭תָּה תָּשׁ֣וּב תְּחַיֵּ֑נוּ    וְ֝עַמְּךָ֗ יִשְׂמְחוּ־בָֽךְ׃ח הַרְאֵ֣נוּ יְהוָ֣ה חַסְדֶּ֑ךָ    וְ֝יֶשְׁעֲךָ֗ תִּתֶּן־לָֽנוּ׃ט אֶשְׁמְעָ֗ה    מַה־יְדַבֵּר֮ הָאֵ֪ל ׀ יְה֫וָ֥הכִּ֤י ׀ יְדַבֵּ֬ר שָׁל֗וֹם אֶל־עַמּ֥וֹ וְאֶל־חֲסִידָ֑יו    וְאַל־יָשׁ֥וּבוּ לְכִסְלָֽה׃י אַ֤ךְ קָר֣וֹב לִֽירֵאָ֣יו יִשְׁע֑וֹ […]

א תְּפִלָּ֗ה לְדָ֫וִ֥דהַטֵּֽה־יְהוָ֣ה אָזְנְךָ֣ עֲנֵ֑נִי    כִּֽי־עָנִ֖י וְאֶבְי֣וֹן אָֽנִי׃ב שָׁ֥מְרָ֣ה נַפְשִׁי֮    כִּֽי־חָסִ֪יד אָ֥נִיהוֹשַׁ֣ע עַ֭בְדְּךָ אַתָּ֣ה אֱלֹהַ֑י    הַבּוֹטֵ֥חַ אֵלֶֽיךָ׃ג חָנֵּ֥נִי אֲדֹנָ֑י    כִּ֥י אֵלֶ֥יךָ אֶ֝קְרָ֗א כָּל־הַיּֽוֹם׃ד שַׂ֭מֵּחַ נֶ֣פֶשׁ עַבְדֶּ֑ךָ    כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃ה כִּֽי־אַתָּ֣ה אֲ֭דֹנָי ט֣וֹב וְסַלָּ֑ח    וְרַב־חֶ֝֗סֶד לְכָל־קֹֽרְאֶֽיךָ׃ו הַֽאֲזִ֣ינָה יְ֭הוָה תְּפִלָּתִ֑י    וְ֝הַקְשִׁ֗יבָה בְּק֣וֹל תַּחֲנֽוּנוֹתָֽי׃ז בְּי֣וֹם צָֽ֭רָתִ֥י אֶקְרָאֶ֗ךָּ    כִּ֣י תַֽעֲנֵֽנִי׃ח אֵין־כָּמ֖וֹךָ בָֽאֱלֹהִ֥ים ׀ אֲדֹנָ֗י    וְאֵ֣ין כְּֽמַעֲשֶֽׂיךָ׃ט כָּל־גּוֹיִ֤ם ׀ אֲשֶׁ֥ר […]

א לִבְנֵי־קֹ֭רַח מִזְמ֣וֹר שִׁ֑יר    יְ֝סֽוּדָת֗וֹ בְּהַרְרֵי־קֹֽדֶשׁ׃ב אֹהֵ֣ב יְ֭הוָה שַֽׁעֲרֵ֣י צִיּ֑וֹן    מִ֝כֹּ֗ל מִשְׁכְּנ֥וֹת יַֽעֲקֹֽב׃ג נִ֭כְבָּדוֹת מְדֻבָּ֣ר בָּ֑ךְ    עִ֖יר הָֽאֱלֹהִ֣ים סֶֽלָה׃ד אַזְכִּ֤יר ׀ רַ֥הַב וּבָבֶ֗ל    לְֽיֹ֫דְעָ֥יהִנֵּ֤ה פְלֶ֣שֶׁת וְצֹ֣ר עִם־כּ֑וּשׁ    זֶ֝֗ה יֻלַּד־שָֽׁם׃ה וּ֥לְצִיּ֨וֹן ׀ יֵֽאָמַ֗ר    אִ֣ישׁ וְ֭אִישׁ יֻלַּד־בָּ֑הּוְה֖וּא יְכֽוֹנְנֶ֣הָ    עֶלְיֽוֹן׃ו יְֽהוָ֗ה יִ֭סְפֹּר בִּכְת֣וֹב עַמִּ֑ים    זֶ֖ה יֻלַּד־שָׁ֣ם סֶֽלָה׃ז וְשָׁרִ֥ים כְּחֹֽלְלִ֑ים    כָּֽל־מַעְיָנַ֥י בָּֽךְ׃