א שִׁ֣ירוּ לַֽ֭יהוָה שִׁ֣יר חָדָ֑שׁ    שִׁ֥ירוּ לַֽ֝יהוָ֗ה כָּל־הָאָֽרֶץ׃ב שִׁ֣ירוּ לַֽ֭יהוָה בָּֽרְכ֣וּ שְׁמ֑וֹ    בַּשְּׂר֥וּ מִיּֽוֹם־לְ֝י֗וֹם יְשֽׁוּעָתֽוֹ׃ג סַפְּר֣וּ בַגּוֹיִ֣ם כְּבוֹד֑וֹ    בְּכָל־הָֽ֝עַמִּ֗ים נִפְלְאוֹתָֽיו׃ד כִּ֥י גָ֘ד֤וֹל יְהוָ֣ה וּמְהֻלָּ֣ל מְאֹ֑ד    נוֹרָ֥א ה֝֗וּא עַל־כָּל־אֱלֹהִֽים׃ה כִּ֤י ׀ כָּל־אֱלֹהֵ֣י הָֽעַמִּ֣ים אֱלִילִ֑ים    וַֽ֝יהוָ֗ה שָׁמַ֥יִם עָשָֽׂה׃ו הוֹד־וְהָדָ֥ר לְפָנָ֑יו    עֹ֥ז וְ֝תִפְאֶ֗רֶת בְּמִקְדָּשֽׁוֹ׃ז הָב֣וּ לַֽ֭יהוָה מִשְׁפְּח֣וֹת עַמִּ֑ים    הָב֥וּ לַֽ֝יהוָ֗ה כָּב֥וֹד וָעֹֽז׃ח הָב֣וּ לַֽ֭יהוָה כְּב֣וֹד שְׁמ֑וֹ    שְׂאֽוּ־מִ֝נְחָ֗ה וּבֹ֥אוּ לְחַצְרוֹתָֽיו׃ט הִשְׁתַּֽחֲו֣וּ […]

א יְהוָ֣ה מָ֭לָךְ תָּגֵ֣ל הָאָ֑רֶץ    יִ֝שְׂמְח֗וּ אִיִּ֥ים רַבִּֽים׃ב עָנָ֣ן וַֽעֲרָפֶ֣ל סְבִיבָ֑יו    צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃ג אֵ֭שׁ לְפָנָ֣יו תֵּלֵ֑ךְ    וּתְלַהֵ֖ט סָבִ֣יב צָרָֽיו׃ד הֵאִ֣ירוּ בְרָקָ֣יו תֵּבֵ֑ל    רָֽאֲתָ֖ה וַתָּחֵ֣ל הָאָֽרֶץ׃ה הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהוָ֑ה    מִ֝לִּפְנֵ֗י אֲד֣וֹן כָּל־הָאָֽרֶץ׃ו הִגִּ֣ידוּ הַשָּׁמַ֣יִם צִדְק֑וֹ    וְרָא֖וּ כָל־הָֽעַמִּ֣ים כְּבוֹדֽוֹ׃ז יֵבֹ֤שׁוּ ׀ כָּל־עֹ֬בְדֵי פֶ֗סֶל    הַמִּֽתְהַלְלִ֥ים בָּֽאֱלִילִ֑יםהִשְׁתַּֽחֲווּ־ל֝֗וֹ    כָּל־אֱלֹהִֽים׃ח שָֽׁמְעָ֬ה וַתִּשְׂמַ֨ח ׀ צִיּ֗וֹן    וַ֭תָּגֵלְנָה בְּנ֣וֹת יְהוּדָ֑הלְמַ֖עַן מִשְׁפָּטֶ֣יךָ […]

א מִזְמ֡וֹר שִׁ֤ירוּ לַֽיהוָ֨ה ׀ שִׁ֣יר חָ֭דָשׁ    כִּֽי־נִפְלָא֣וֹת עָשָׂ֑ההוֹשִֽׁיעָה־לּ֥וֹ יְ֝מִינ֗וֹ    וּזְר֥וֹעַ קָדְשֽׁוֹ׃ב הוֹדִ֣יעַ יְ֭הוָה יְשֽׁוּעָת֑וֹ    לְעֵינֵ֥י הַ֝גּוֹיִ֗ם גִּלָּ֥ה צִדְקָתֽוֹ׃ג זָ֘כַ֤ר חַסְדּ֨וֹ ׀ וֶ֥אֱֽמוּנָתוֹ֮    לְבֵ֪ית יִשְׂרָ֫אֵ֥לרָא֥וּ כָל־אַפְסֵי־אָ֑רֶץ    אֵ֝֗ת יְשׁוּעַ֥ת אֱלֹהֵֽינוּ׃ד הָרִ֣יעוּ לַֽ֭יהוָה כָּל־הָאָ֑רֶץ    פִּצְח֖וּ וְרַנְּנ֣וּ וְזַמֵּֽרוּ׃ה זַמְּר֣וּ לַֽיהוָ֣ה בְּכִנּ֑וֹר    בְּ֝כִנּ֗וֹר וְק֣וֹל זִמְרָֽה׃ו בַּ֭חֲצֹ֣צְרוֹת וְק֣וֹל שׁוֹפָ֑ר    הָ֝רִ֗יעוּ לִפְנֵ֤י ׀ הַמֶּ֬לֶךְ יְהוָֽה׃ז יִרְעַ֣ם הַ֭יָּם וּמְלֹא֑וֹ    תֵּ֝בֵ֗ל וְיֹ֣שְׁבֵי בָֽהּ׃ח נְהָר֥וֹת יִמְחֲאוּ־כָ֑ף […]

א יְהוָ֣ה מָ֭לָךְ יִרְגְּז֣וּ עַמִּ֑ים    יֹשֵׁ֥ב כְּ֝רוּבִ֗ים תָּנ֥וּט הָאָֽרֶץ׃ב יְ֭הוָה בְּצִיּ֣וֹן גָּד֑וֹל    וְרָ֥ם ה֝֗וּא עַל־כָּל־הָֽעַמִּֽים׃ג יוֹד֣וּ שִׁ֭מְךָ גָּד֥וֹל וְנוֹרָ֗א    קָד֥וֹשׁ הֽוּא׃ד וְעֹ֥ז מֶלֶךְ֮    מִשְׁפָּ֪ט אָ֫הֵ֥באַ֭תָּה כּוֹנַ֣נְתָּ מֵֽישָׁרִ֑ים    מִשְׁפָּ֥ט וּ֝צְדָקָ֗ה בְּיַֽעֲקֹ֤ב ׀ אַתָּ֬ה עָשִֽׂיתָ׃ה רֽוֹמְמ֡וּ יְה֘וָ֤ה אֱלֹהֵ֗ינוּ וְֽ֭הִשְׁתַּחֲווּ לַֽהֲדֹ֥ם רַגְלָ֗יו    קָד֥וֹשׁ הֽוּא׃ו מֹ֘שֶׁ֤ה וְאַֽהֲרֹ֨ן ׀ בְּֽכֹהֲנָ֗יו    וּ֭שְׁמוּאֵל בְּקֹֽרְאֵ֣י שְׁמ֑וֹקֹרִ֥אים אֶל־יְ֝הוָ֗ה    וְה֣וּא יַֽעֲנֵֽם׃ז בְּעַמּ֣וּד עָ֭נָן יְדַבֵּ֣ר אֲלֵיהֶ֑ם    […]