א מִזְמ֥וֹר לְתוֹדָ֑ה    הָרִ֥יעוּ לַֽ֝יהוָ֗ה כָּל־הָאָֽרֶץ׃ב עִבְד֣וּ אֶת־יְהוָ֣ה בְּשִׂמְחָ֑ה    בֹּ֥אוּ לְ֝פָנָ֗יו בִּרְנָנָֽה׃ג דְּע֗וּ    כִּֽי־יְהוָה֮ ה֤וּא אֱלֹ֫הִ֥יםהֽוּא־עָ֭שָׂנוּ ולא וְל֣וֹ אֲנַ֑חְנוּ    עַ֝מּ֗וֹ וְצֹ֣אן מַרְעִיתֽוֹ׃ד בֹּ֤אוּ שְׁעָרָ֨יו ׀ בְּתוֹדָ֗ה חֲצֵֽרֹתָ֥יו בִּתְהִלָּ֑ה    הֽוֹדוּ־ל֝֗וֹ בָּֽרְכ֥וּ שְׁמֽוֹ׃ה כִּי־ט֣וֹב יְ֭הוָה לְעוֹלָ֣ם חַסְדּ֑וֹ    וְעַד־דֹּ֥ר וָ֝דֹ֗ר אֱמֽוּנָתֽוֹ׃

א לְדָוִ֗ד מִ֫זְמ֥וֹר    חֶֽסֶד־וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה׃ב אַשְׂכִּ֤ילָה ׀ בְּדֶ֬רֶךְ תָּמִ֗ים    מָ֭תַי תָּב֣וֹא אֵלָ֑יאֶתְהַלֵּ֥ךְ בְּתָם־לְ֝בָבִ֗י    בְּקֶ֣רֶב בֵּיתִֽי׃ג לֹֽא־אָשִׁ֨ית ׀ לְנֶ֥גֶד עֵינַ֗י    דְּֽבַר־בְּלִ֫יָּ֥עַלעֲשֹֽׂה־סֵטִ֥ים שָׂנֵ֑אתִי    לֹ֖א יִדְבַּ֣ק בִּֽי׃ד לֵבָ֣ב עִ֭קֵּשׁ יָס֣וּר מִמֶּ֑נִּי    רָ֝֗ע לֹ֣א אֵדָֽע׃ה מלושני מְלָשְׁנִ֬י בַסֵּ֨תֶר ׀ רֵעֵהוּ֮    אוֹת֪וֹ אַ֫צְמִ֥יתגְּֽבַהּ־עֵ֭ינַיִם וּרְחַ֣ב לֵבָ֑ב    אֹ֝ת֗וֹ לֹ֣א אוּכָֽל׃ו עֵינַ֤י ׀ בְּנֶֽאֶמְנֵי־אֶרֶץ֮    לָשֶׁ֪בֶת עִמָּ֫דִ֥יהֹ֭לֵךְ בְּדֶ֣רֶךְ תָּמִ֑ים    ה֝֗וּא יְשָֽׁרְתֵֽנִי׃ז לֹֽא־יֵשֵׁ֨ב ׀ בְּקֶ֥רֶב בֵּיתִי֮ […]

א תְּ֭פִלָּה לְעָנִ֣י כִֽי־יַעֲטֹ֑ף    וְלִפְנֵ֥י יְ֝הוָ֗ה יִשְׁפֹּ֥ךְ שִׂיחֽוֹ׃ב יְ֭הוָה שִׁמְעָ֣ה תְפִלָּתִ֑י    וְ֝שַׁוְעָתִ֗י אֵלֶ֥יךָ תָבֽוֹא׃ג אַל־תַּסְתֵּ֬ר פָּנֶ֨יךָ ׀ מִמֶּנִּי֮    בְּי֪וֹם צַ֫ר לִ֥יהַטֵּֽה־אֵלַ֥י אָזְנֶ֑ךָ    בְּי֥וֹם אֶ֝קְרָ֗א מַהֵ֥ר עֲנֵֽנִי׃ד כִּֽי־כָל֣וּ בְעָשָׁ֣ן יָמָ֑י    וְ֝עַצְמוֹתַ֗י כְּמוֹקֵ֥ד נִחָֽרוּ׃ה הוּכָּֽה־כָעֵ֣שֶׂב וַיִּבַ֣שׁ לִבִּ֑י    כִּֽי־שָׁ֝כַ֗חְתִּי מֵֽאֲכֹ֥ל לַחְמִֽי׃ו מִקּ֥וֹל אַנְחָתִ֑י    דָּֽבְקָ֥ה עַ֝צְמִ֗י לִבְשָׂרִֽי׃ז דָּ֭מִיתִי לִקְאַ֣ת מִדְבָּ֑ר    הָ֝יִ֗יתִי כְּכ֣וֹס חֳרָבֽוֹת׃ח שָׁקַ֥דְתִּי וָאֶֽהְיֶ֑ה    כְּ֝צִפּ֗וֹר בּוֹדֵ֥ד עַל־גָּֽג׃ט כָּל־הַ֭יּוֹם חֵֽרְפ֣וּנִי […]

א לְדָוִ֨ד ׀ בָּֽרְכִ֣י נַ֭פְשִׁי אֶת־יְהוָ֑ה    וְכָל־קְ֝רָבַ֗י אֶת־שֵׁ֥ם קָדְשֽׁוֹ׃ב בָּֽרְכִ֣י נַ֭פְשִׁי אֶת־יְהוָ֑ה    וְאַל־תִּ֝שְׁכְּחִ֗י כָּל־גְּמוּלָֽיו׃ג הַסֹּלֵ֥חַ לְכָל־עֲוֺנֵ֑כִי    הָֽ֝רֹפֵ֗א לְכָל־תַּֽחֲלוּאָֽיְכִי׃ד הַגּוֹאֵ֣ל מִשַּׁ֣חַת חַיָּ֑יְכִי    הַֽ֝מְעַטְּרֵ֗כִי חֶ֣סֶד וְרַֽחֲמִֽים׃ה הַמַּשְׂבִּ֣יעַ בַּטּ֣וֹב עֶדְיֵ֑ךְ    תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃ו עֹשֵׂ֣ה צְדָק֣וֹת יְהוָ֑ה    וּ֝מִשְׁפָּטִ֗ים לְכָל־עֲשׁוּקִֽים׃ז יוֹדִ֣יעַ דְּרָכָ֣יו לְמֹשֶׁ֑ה    לִבְנֵ֥י יִ֝שְׂרָאֵ֗ל עֲלִֽילוֹתָֽיו׃ח רַח֣וּם וְחַנּ֣וּן יְהוָ֑ה    אֶ֖רֶךְ אַפַּ֣יִם וְרַב־חָֽסֶד׃ט לֹֽא־לָנֶ֥צַח יָרִ֑יב    וְלֹ֖א לְעוֹלָ֣ם יִטּֽוֹר׃י לֹ֣א כַֽ֭חֲטָאֵינוּ עָ֣שָׂה לָ֑נוּ    […]