א הוֹד֣וּ לַֽיהוָ֣ה כִּי־ט֑וֹב    כִּ֖י לְעוֹלָ֣ם חַסְדּֽוֹ׃ב ה֭וֹדוּ לֵֽאלֹהֵ֣י הָֽאֱלֹהִ֑ים    כִּ֖י לְעוֹלָ֣ם חַסְדּֽוֹ׃ג ה֭וֹדוּ לַֽאֲדֹנֵ֣י הָֽאֲדֹנִ֑ים    כִּ֖י לְעוֹלָ֣ם חַסְדּֽוֹ׃ד לְעֹ֘שֵׂ֤ה נִפְלָא֣וֹת גְּדֹל֣וֹת לְבַדּ֑וֹ    כִּ֖י לְעוֹלָ֣ם חַסְדּֽוֹ׃ה לְעֹשֵׂ֣ה הַ֭שָּׁמַיִם בִּתְבוּנָ֑ה    כִּ֖י לְעוֹלָ֣ם חַסְדּֽוֹ׃ו לְרֹקַ֣ע הָ֭אָרֶץ עַל־הַמָּ֑יִם    כִּ֖י לְעוֹלָ֣ם חַסְדּֽוֹ׃ז לְ֭עֹשֵׂה אוֹרִ֣ים גְּדֹלִ֑ים    כִּ֖י לְעוֹלָ֣ם חַסְדּֽוֹ׃ח אֶת־הַ֭שֶּׁמֶשׁ לְמֶמְשֶׁ֣לֶת בַּיּ֑וֹם    כִּ֖י לְעוֹלָ֣ם חַסְדּֽוֹ׃ט אֶת־הַיָּרֵ֣חַ וְ֭כֽוֹכָבִים לְמֶמְשְׁל֣וֹת בַּלָּ֑יְלָה    כִּ֖י […]

א עַ֥ל נַֽהֲר֨וֹת ׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ    בְּ֝זָכְרֵ֗נוּ אֶת־צִיּֽוֹן׃ב עַֽל־עֲרָבִ֥ים בְּתוֹכָ֑הּ    תָּ֝לִ֗ינוּ כִּנֹּֽרוֹתֵֽינוּ׃ג כִּ֤י שָׁ֨ם שְֽׁאֵל֪וּנוּ שׁוֹבֵ֡ינוּ דִּבְרֵי־שִׁ֭יר    וְתֽוֹלָלֵ֣ינוּ שִׂמְחָ֑השִׁ֥ירוּ לָ֝֗נוּ    מִשִּׁ֥יר צִיּֽוֹן׃ד אֵ֗יךְ נָשִׁ֥יר אֶת־שִׁיר־יְהוָ֑ה    עַ֝֗ל אַדְמַ֥ת נֵכָֽר׃ה אִֽם־אֶשְׁכָּחֵ֥ךְ יְֽרוּשָׁלִָ֗ם    תִּשְׁכַּ֥ח יְמִינִֽי׃ו תִּדְבַּֽק־לְשׁוֹנִ֨י ׀ לְחִכִּי֮    אִם־לֹ֪א אֶ֫זְכְּרֵ֥כִיאִם־לֹ֣א אַֽ֭עֲלֶה אֶת־יְרֽוּשָׁלִַ֑ם    עַ֝֗ל רֹ֣אשׁ שִׂמְחָתִֽי׃ז זְכֹ֤ר יְהוָ֨ה ׀ לִבְנֵ֬י אֱד֗וֹם    אֵת֮ י֤וֹם יְֽרוּשָׁ֫לִָ֥םהָ֭אֹ֣מְרִים עָ֤רוּ ׀ עָ֑רוּ    עַ֝֗ד […]

א לְדָוִ֨ד ׀ אֽוֹדְךָ֥ בְכָל־לִבִּ֑י    נֶ֖גֶד אֱלֹהִ֣ים אֲזַמְּרֶֽךָּ׃ב אֶשְׁתַּֽחֲוֶ֨ה אֶל־הֵיכַ֪ל קָדְשְׁךָ֡    וְא֘וֹדֶ֤ה אֶת־שְׁמֶ֗ךָעַל־חַסְדְּךָ֥    וְעַל־אֲמִתֶּ֑ךָכִּֽי־הִגְדַּ֥לְתָּ עַל־כָּל־שִׁ֝מְךָ֗    אִמְרָתֶֽךָ׃ג בְּי֣וֹם קָ֭רָ֥אתִי וַֽתַּעֲנֵ֑נִי    תַּרְהִבֵ֖נִי בְנַפְשִׁ֣י עֹֽז׃ד יוֹד֣וּךָ יְ֭הוָה כָּל־מַלְכֵי־אָ֑רֶץ    כִּ֥י שָֽׁ֝מְע֗וּ אִמְרֵי־פִֽיךָ׃ה וְ֭יָשִׁירוּ בְּדַרְכֵ֣י יְהוָ֑ה    כִּֽי־גָ֝ד֗וֹל כְּב֣וֹד יְהוָֽה׃ו כִּי־רָ֣ם יְ֭הוָה וְשָׁפָ֣ל יִרְאֶ֑ה    וְ֝גָבֹ֗הַּ מִמֶּרְחָ֥ק יְיֵדָֽע׃ז אִם־אֵלֵ֤ךְ ׀ בְּקֶ֥רֶב צָרָ֗ה    תְּחַ֫יֵּ֥נִיעַ֤ל אַ֣ף אֹֽ֭יְבַי תִּשְׁלַ֣ח יָדֶ֑ךָ    וְת֖וֹשִׁיעֵ֣נִי יְמִינֶֽךָ׃ח יְהוָה֮ יִגְמֹ֪ר בַּֽ֫עֲדִ֥י […]

א לַ֭מְנַצֵּחַ לְדָוִ֣ד מִזְמ֑וֹריְהוָ֥ה חֲ֝קַרְתַּ֗נִי    וַתֵּדָֽע׃ב אַתָּ֣ה יָ֭דַעְתָּ שִׁבְתִּ֣י וְקוּמִ֑י    בַּ֥נְתָּה לְ֝רֵעִ֗י מֵֽרָחֽוֹק׃ג אָרְחִ֣י וְרִבְעִ֣י זֵרִ֑יתָ    וְֽכָל־דְּרָכַ֥י הִסְכַּֽנְתָּה׃ד כִּ֤י אֵ֣ין מִ֭לָּה בִּלְשׁוֹנִ֑י    הֵ֥ן יְ֝הוָ֗ה יָדַ֥עְתָּ כֻלָּֽהּ׃ה אָח֣וֹר וָקֶ֣דֶם צַרְתָּ֑נִי    וַתָּ֖שֶׁת עָלַ֣י כַּפֶּֽכָה׃ו פלאיה פְּלִ֣יאָֽה דַ֣עַת מִמֶּ֑נִּי    נִ֝שְׂגְּבָ֗ה לֹא־א֥וּכַֽל לָֽהּ׃ז אָ֭נָ֥ה אֵלֵ֣ךְ מֵֽרוּחֶ֑ךָ    וְ֝אָ֗נָה מִפָּנֶ֥יךָ אֶבְרָֽח׃ח אִם־אֶסַּ֣ק שָׁ֭מַיִם שָׁ֣ם אָ֑תָּה    וְאַצִּ֖יעָה שְּׁא֣וֹל הִנֶּֽךָּ׃ט אֶשָּׂ֥א כַנְפֵי־שָׁ֑חַר    אֶ֝שְׁכְּנָ֗ה בְּאַֽחֲרִ֥ית יָֽם׃י גַּם־שָׁ֭ם […]