א לַמְנַצֵּ֥חַ עַֽל־הַשְּׁמִינִ֗ית    מִזְמ֥וֹר לְדָוִֽד׃ב הוֹשִׁ֣יעָה יְ֭הוָה כִּֽי־גָמַ֣ר חָסִ֑יד    כִּי־פַ֥סּוּ אֱ֝מוּנִ֗ים מִבְּנֵ֥י אָדָֽם׃ג שָׁ֤וְא ׀ יְֽדַבְּרוּ֮ אִ֤ישׁ אֶת־רֵ֫עֵ֥הוּ    שְׂפַ֥ת חֲלָק֑וֹת בְּלֵ֖ב וָלֵ֣ב יְדַבֵּֽרוּ׃ד יַכְרֵ֣ת יְ֭הוָה כָּל־שִׂפְתֵ֣י חֲלָק֑וֹת    לָ֝שׁ֗וֹן מְדַבֶּ֥רֶת גְּדֹלֽוֹת׃ה אֲשֶׁ֤ר אָֽמְר֨וּ ׀ לִלְשֹׁנֵ֣נוּ נַ֭גְבִּיר שְׂפָתֵ֣ינוּ אִתָּ֑נוּ    מִ֖י אָד֣וֹן לָֽנוּ׃ו מִשֹּׁ֥ד עֲנִיִּים֮    מֵֽאֶנְקַ֪ת אֶבְי֫וֹנִ֥יםעַתָּ֣ה אָ֭קוּם יֹאמַ֣ר יְהוָ֑ה    אָשִׁ֥ית בְּ֝יֵ֗שַׁע יָפִ֥יחַֽ לֽוֹ׃ז אִ֥מְר֣וֹת יְהוָה֮    אֲמָר֪וֹת טְהֹ֫ר֥וֹתכֶּ֣סֶף צָ֭רוּף […]

א לַמְנַצֵּ֗חַ מִזְמ֥וֹר לְדָוִֽד׃ב עַד־אָ֣נָה יְ֭הוָה תִּשְׁכָּחֵ֣נִי נֶ֑צַח    עַד־אָ֓נָה ׀ תַּסְתִּ֖יר אֶת־פָּנֶ֣יךָ מִמֶּֽנִּי׃ג עַד־אָ֨נָה אָשִׁ֪ית עֵצ֡וֹת בְּנַפְשִׁ֗י    יָג֣וֹן בִּלְבָבִ֣י יוֹמָ֑םעַד־אָ֓נָה ׀    יָר֖וּם אֹֽיְבִ֣י עָלָֽי׃ד הַבִּ֣יטָֽה עֲ֭נֵנִי יְהוָ֣ה אֱלֹהָ֑י    הָאִ֥ירָה עֵ֝ינַ֗י פֶּן־אִישַׁ֥ן הַמָּֽוֶת׃ה פֶּן־יֹאמַ֣ר אֹֽיְבִ֣י יְכָלְתִּ֑יו    צָרַ֥י יָ֝גִ֗ילוּ כִּ֣י אֶמּֽוֹט׃ו וַֽאֲנִ֤י ׀ בְּחַסְדְּךָ֣ בָטַחְתִּי֮    יָ֤גֵ֥ל לִבִּ֗י בִּישֽׁוּעָ֫תֶ֥ךָאָשִׁ֥ירָה לַֽיהוָ֑ה    כִּ֖י גָמַ֣ל עָלָֽי׃

א לַמְנַצֵּ֗חַ לְדָ֫וִ֥דאָ֘מַ֤ר נָבָ֣ל בְּ֭לִבּוֹ    אֵ֣ין אֱלֹהִ֑יםהִֽשְׁחִ֗יתוּ הִֽתְעִ֥יבוּ עֲלִילָ֗ה    אֵ֣ין עֹֽשֵׂה־טֽוֹב׃ב יְֽהוָ֗ה    מִשָּׁמַיִם֮ הִשְׁקִ֪יף עַֽל־בְּנֵי־אָ֫דָ֥םלִ֭רְאוֹת הֲיֵ֣שׁ מַשְׂכִּ֑יל    דֹּ֝רֵ֗שׁ אֶת־אֱלֹהִֽים׃ג הַכֹּ֥ל סָר֮ יַחְדָּ֪ו נֶֽ֫אֱלָ֥חוּ    אֵ֤ין עֹֽשֵׂה־ט֑וֹב אֵ֝֗ין גַּם־אֶחָֽד׃ד הֲלֹ֥א יָֽדְעוּ֮ כָּל־פֹּ֪עֲלֵ֫י אָ֥וֶן    אֹֽכְלֵ֣י עַ֭מִּי אָ֣כְלוּ לֶ֑חֶם יְ֝הוָ֗ה לֹ֣א קָרָֽאוּ׃ה שָׁ֤ם ׀ פָּ֣חֲדוּ פָ֑חַד    כִּֽי־אֱ֝לֹהִ֗ים בְּד֣וֹר צַדִּֽיק׃ו עֲצַת־עָנִ֥י תָבִ֑ישׁוּ    כִּ֖י יְהוָ֣ה מַחְסֵֽהוּ׃ז מִ֥י יִתֵּ֣ן מִצִּיּוֹן֮    יְשׁוּעַ֪ת […]

א מִזְמ֗וֹר לְדָ֫וִ֥ד    יְ֭הוָה מִֽי־יָג֣וּר בְּאָֽהֳלֶ֑ךָ מִֽי־יִ֝שְׁכֹּ֗ן בְּהַ֣ר קָדְשֶֽׁךָ׃ב הוֹלֵ֣ךְ תָּ֭מִים וּפֹעֵ֥ל צֶ֑דֶק    וְדֹבֵ֥ר אֱ֝מֶ֗ת בִּלְבָבֽוֹ׃ג לֹֽא־רָגַ֨ל ׀ עַל־לְשֹׁנ֗וֹ לֹֽא־עָשָׂ֣ה לְרֵעֵ֣הוּ רָעָ֑ה    וְ֝חֶרְפָּ֗ה לֹֽא־נָשָׂ֥א עַל־קְרֹבֽוֹ׃ד נִבְזֶ֤ה ׀ בְּֽעֵ֘ינָ֤יו נִמְאָ֗ס    וְאֶת־יִרְאֵ֣י יְהוָ֣ה יְכַבֵּ֑דנִשְׁבַּ֥ע לְ֝הָרַ֗ע    וְלֹ֣א יָמִֽר׃ה כַּסְפּ֤וֹ ׀ לֹֽא־נָתַ֣ן בְּנֶשֶׁךְ֮    וְשֹׁ֥חַד עַל־נָקִ֗י לֹ֥א לָ֫קָ֥חעֹֽשֵׂה־אֵ֑לֶּה    לֹ֖א יִמּ֣וֹט לְעוֹלָֽם