א לְדָוִ֗ד מִ֫זְמ֥וֹר
נְאֻ֤ם יְהוָ֨ה ׀ לַֽאדֹנִ֗י שֵׁ֥ב לִֽימִינִ֑י    עַד־אָשִׁ֥ית אֹֽ֝יְבֶ֗יךָ הֲדֹ֣ם לְרַגְלֶֽיךָ׃
ב מַטֵּֽה־עֻזְּךָ֗ יִשְׁלַ֣ח יְ֭הוָה מִצִּיּ֑וֹן    רְ֝דֵ֗ה בְּקֶ֣רֶב אֹֽיְבֶֽיךָ׃
ג עַמְּךָ֣ נְדָבֹת֮    בְּי֪וֹם חֵ֫ילֶ֥ךָ
בְּֽהַדְרֵי־קֹ֭דֶשׁ מֵרֶ֣חֶם מִשְׁחָ֑ר    לְ֝ךָ֗ טַ֣ל יַלְדֻתֶֽיךָ׃
ד נִשְׁבַּ֤ע יְהוָ֨ה ׀ וְלֹ֥א יִנָּחֵ֗ם    אַתָּֽה־כֹהֵ֥ן לְעוֹלָ֑ם
עַל־דִּ֝בְרָתִ֗י    מַלְכִּי־צֶֽדֶק׃
ה אֲדֹנָ֥י עַל־יְמִֽינְךָ֑    מָחַ֖ץ בְּיוֹם־אַפּ֣וֹ מְלָכִֽים׃
ו יָדִ֣ין בַּ֭גּוֹיִם מָלֵ֣א גְוִיּ֑וֹת    מָ֥חַץ רֹ֝֗אשׁ עַל־אֶ֥רֶץ רַבָּֽה׃
ז מִ֭נַּחַל בַּדֶּ֣רֶךְ יִשְׁתֶּ֑ה    עַל־כֵּ֝֗ן יָרִ֥ים רֹֽאשׁ׃

Leave a Reply

Email us:
support@18TV.co.il
ערוץ 18 חי ברשת
עם ישראל 18
תרשמו לניוז שלנו. פעם בחודש משהו מחזק.
עקבו אחרינו

© 2025 18TV. כל הזכויות שמורות

אפליקציות להורדה
image
image