א שִׁ֥יר הַֽמַּעֲל֗וֹת לְדָ֫וִ֥ד
לוּלֵ֣י יְ֭הוָה שֶׁהָ֣יָה לָ֑נוּ    יֹֽאמַר־נָ֝֗א יִשְׂרָאֵֽל׃
ב לוּלֵ֣י יְ֭הוָה שֶׁהָ֣יָה לָ֑נוּ    בְּק֖וּם עָלֵ֣ינוּ אָדָֽם׃
ג אֲ֭זַי חַיִּ֣ים בְּלָע֑וּנוּ    בַּֽחֲר֖וֹת אַפָּ֣ם בָּֽנוּ׃
ד אֲ֭זַי הַמַּ֣יִם שְׁטָפ֑וּנוּ    נַ֝֗חְלָה עָבַ֥ר עַל־נַפְשֵֽׁנוּ׃
ה אֲ֭זַי עָבַ֣ר עַל־נַפְשֵׁ֑נוּ    הַ֝מַּ֗יִם הַזֵּֽידוֹנִֽים׃
ו בָּר֥וּךְ יְהוָ֑ה    שֶׁלֹּ֥א נְתָנָ֥נוּ טֶ֝֗רֶף לְשִׁנֵּיהֶֽם׃
ז נַפְשֵׁ֗נוּ    כְּצִפּ֥וֹר נִמְלְטָה֮ מִפַּ֪ח יֽ֫וֹקְשִׁ֥ים
הַפַּ֥ח נִשְׁבָּ֗ר    וַֽאֲנַ֥חְנוּ נִמְלָֽטְנוּ׃
ח עֶ֭זְרֵנוּ בְּשֵׁ֣ם יְהוָ֑ה    עֹ֝שֵׂ֗ה שָׁמַ֥יִם וָאָֽרֶץ׃

Leave a Reply

Email us:
support@18TV.co.il
ערוץ 18 חי ברשת
עם ישראל 18
תרשמו לניוז שלנו. פעם בחודש משהו מחזק.
עקבו אחרינו

© 2025 18TV. כל הזכויות שמורות

אפליקציות להורדה
image
image